more 隨影習 2

我的小記

按分類觀看 -- 請選擇 -- [Help]

1 2 3 端午＠肇慶 16/6/2005 0:01:00 未分類 回應[0]  相關小記[0] 船河三島遊 15/6/2005 0:27:09 第一次做跟船去坪洲.南丫島.長洲 帶船比帶車難好多 船程好長地方好大介紹就要好多樣化.好詳盡... 所以學到好多野喇~! 坪洲~~一平方公里的小島 特色係廟宇多 有天后廟.龍母廟.仙姐廟.娜奼廟.金花廟......梗有一間0係左近! 有趣的是全港唯一的金花廟 金花娘娘係保佑孕婦的偶像 而最有趣的是拍寶芝林的關師傅 做了它的護法大將軍 安置在廟旁供善信參拜 南丫島~~主要係食海鮮午餐買手信 再走去天后廟&神風洞 我最愛買椒鹽銀魚仔 一買就三盒仲好抵買喎!! 長洲~~一去到就落大雨 客人多數自由時間 冇咩地方去在碼頭等人齊 長洲有檔魚蛋檔 魚蛋出哂名好食 今日有幸一試 真係好食呀~~魚蛋.蝦丸都好食到想食多粒呀~ 船河途中見到航空母艦戰鬥群 迪士尼酒店 未分類 回應[0]  相關小記[0] 廿七.牛一 3/6/2005 23:30:00 祝我生日快樂! 今日第一句說的話 之後睡得很好~! 每年總會計下自己怎樣過 又計劃下將來...總括來說人緣方面未如理想(冇咩人知我牛一?!) 工作又正在谷底... 但係我將有一番新景象 沒有什麼生日願望 只求.......為所欲為 今晚同屋企人去酒樓食晚飯 有壽飽食!明天是阿慧生日 [一人一壽飽 一日一壽頭] 今日禮物有:利是x2 虎眼石手縺 生日快樂x6 未分類 回應[0]  相關小記[0] 領隊初體驗 22/5/2005 21:50:00 第一次做領隊感覺好好~ 一0黎就有靚女導遊 行程都好精彩~去睇聚龍show.石博園.菓園....仲去食南非二十頭乾鮑呀~(鮑魚冇我份喇~!) 最多相片是石博園 好多好多古靈精怪的石頭集中於一大花園裡面 仲食0左件連皮食的蘆薈 好難食呀~ 超好食的神灣菠蘿(團友請0架~) 大發現!! 珠海市民9:30pm都仲有好多人0係沙灘游水 小發現!! 一個傻佬在情侶路旁的沙灘 on99的睇人游水 有個小朋友成日都想偷吻我 仲係咁話我係女仔 又話好想錫我喎~唔係嘛~我咁有魅力~~ 未分類 回應[1]  相關小記[0] 導遊生活 11/5/2005 23:00:00 一個月! 剛剛做了導遊這工作一個月! 問我感受的話?? 答案會是...新奇.刺激.好玩! 香港有好多地方唔係做0左呢行都唔會去 好多都好特別! 刺激在面對客人的估佢唔到問題及臨場表現! 好玩就係出團時要製造氣氛 IQ題.笑話.唱歌.遊戲樣樣齊~!! 圖片攝於九處地方~你又知唔知係咩地方呢~! 答案:嶺南之風公園.萬宜水塘.青馬觀景臺(洋紫荊公園).嘉道理農場.東涌古炮台.皇崗口岸.大棠郊野公園.流浮山.尖鼻咀!! 未分類 回應[7]  相關小記[0] 再見~! [九龍關借地七英尺] 9/5/2005 8:50:00 某日下午 舊地重遊馬灣島 漫遊舊日的路徑 人變.景變.心也變... 回想當時要在青龍頭搭街渡 落船已有陣陣飄香 馬灣名特產蝦膏是也~! 沿途穿梭於熱鬧小巷中 尋找島上景點 其一是麒麟亭 多好的名字! 但一踏足亭旁石頭 驚見過百隻的水甴曱同時湧出 把她嚇了 再走入一間荒廢書室 影相玩跳飛機 再走到石灘睇青馬大橋 當時要穿過地盤 可憐她的一雙新鞋慘變當時的浪漫犧牲品 再一次來到馬灣 是在荃灣搭船 只須$3及15分鐘時間 就可到達一個設備完善的大型屋苑[柏麗灣] 穿越商場經過美輪美奐的消防局 到達似曾相識的村落 走入村中 竟是十室九空的寂靜 大部份住戶已搬出還圍上鐵絲網 相信這漁村將會消失成為柏麗灣的一部份  麒麟亭? 我已找不到了 書室還在!但更荒廢到不想進入了...突然發現一座有兩條大魚圖案的荒廢建築物 雀躍地影幾張相留念 回程走回柏麗灣的沙灘 沙灘上有好多透明不明物體?? 獨自在沙灘上聽海浪聲等睇青馬夜景的自我陶醉... 未分類 回應[3]  相關小記[0] 電話@影相 16/4/2005 23:19:00 之前好唔好彩唔見0左部電話 咁咪去買返部喇...0係先達走來走去2小時...苦惱緊買唔買好(睇中SAGEM X-8) 好貴好貴呀~!! 用了我的兩個月底薪呀~! 但真係冇其他機睇得上眼...一見鍾情嘛~!!  最後當然買0左啦~ 仲係咁玩聽歌同影相 以後出街玩Snapshot都唔駛拎部相機仔喇! 仲有得玩特別效果! 未分類 回應[4]  相關小記[0] 赤徑.蚺蛇尖 @ 宿一宿.走一走 9/4/2005 11:03:00 話說清明節有班1仔去蚺蛇尖 咁我就去赤徑露營之後join佢地喇~仲惹到一個傻人陪我玩露營 當晚成個赤徑得我一個營同埋路人甲乙丙丁 我煲0左一煲超恐怖的失敗糖水...唔駛落鹽都好夠味喇... 一早就凍到醒 煮早餐-->蕃茄粟米餐肉粥 搵個靚海景位享受美味早餐 突然有兩隻小偷偷食我0既粥呀~!我未飽0架~!! connie帶0左公司產品"太空小靈精"過0黎 話會消除疲勞喎...我就覺得好怪好唔自然...仲電到大叫! 不如件武器改個勁名"電死小那星"! 1仔大軍終於都到喇! 向蚺蛇尖進發~! 沿途杜鵑花開得燦爛 忍唔住要影一張"我願似花嬌美" 到山頂食午餐我的已經俾狗狗... 好彩次次佢地都有大量食物 所以都係好飽0既 落山就要用上好多時間 斜到可以滑落山咁樣...落到沙灘踢浪食下午茶 再行返去赤徑搭快艇到黃石 好攰好攰呀~     未分類 回應[8]  相關小記[0] 旅途趣事...... 9/4/2005 9:45:00 土樓宿一宵 長途跋涉到此一遊 當然要感受一下土樓的夜生活-->瞓覺?!因為土樓裡是沒有娛樂 到9:00PM更會鎖上大門 但我邊有咁早瞓0丫~ 就拍一拍土樓裡的夜景! 制服誘惑療養院 從旅遊書中的一句[服務生都是穿著護士制服...]把我吸引到來 後來發覺這種服務冇我份?!這裡真是療養院呀~!唔似呢?!房價分三種 最平的約$100 好恐怖!好似有鬼咁...我們住的$200(講價後) 有海景有花園景有露台有浪聲伴入夢鄉正過好多渡假屋! 仲有$360的簡直係豪宅呀~!! "帽"你有冇?! 埋0黎睇埋0黎揀...一頂咁0既休閒帽可以咁好玩~! 唔買一頂戴下又點0係鼓浪嶼玩呀~!SEE~! 大學生活一小時 厦門大學係中國四大學府之一 但我們只係參觀了宿舍及花園 尋找海鮮寶藏 好難搵~估佢唔到~咁都得~有冇攪錯呀~?! 間大排檔又會咁隱蔽0既~真係有寶咩? 有呀~有好多海鮮呀~都算係平0架~!$200/四人 交俾老闆攪掂 9 碟餸2 枝啤酒仲要肚很飽! 玩樂課室 走入一間小學 見有班小朋友在溫習 想偷偷地地影兩張相... 俾佢地見到!!個個都好活躍搶哂鏡 有書唔溫要影相 仲嘈到阿sir都0黎埋~!!即閃~~~!!  DICK的"摩的"痛之體驗 "摩的"計程電單車是也~!! $50個幾小時的路程 有趣的是司機經過自己屋企會請我地入去飲茶吹水 何解痛呢?!! 我揹住大背囊坐在車尾的鐵架上 再好似越野單車走山路 又起又伏又起又伏...想像到我的痛嗎?? 當電單車走在下山的馬路時 就是痛快~~!迎著風放開雙手~飛呀~!! MORE記小炒皇 係今次旅行的小小相片炒埋一碟 顏色多采多姿,味道大眾化 趁熱食啦~ 慢慢享用~!   未分類 回應[0]  相關小記[0] [客(家)人] 1/4/2005 0:02:00 復活節假期去了福建 睇一個又一個的"土樓" 土樓有圓有方.樓高三至五層.各有特色!! 一個土樓可住三十多戶 各有廚房.雞棚.柴房.睡房.有的更有水井在房中!  只用泥土.石頭.木材而不用釘建造的土樓 經過五個世紀的一個家!!  未分類 回應[0]  相關小記[0] 1 2 3